COMME FACETTE MAMMETA

Capaldo - Gambardella

 

Quanno mammeta t’ha fatta
quanno mammeta t’ha fatta
vuò sapè come facette
vuò sapè come facette
pe’impastà sti ccarne belle
pe’impastà sti ccarne belle
tutto chello che mettette
tutto chello che mettette.

Ciento rose’ncapucciate
dint’a mortola mmiscate
latte e rose rose e latte
te facette’ncopp’o fatto
nun ce bisogno’a zingara
p’addivinà cuncè
comme t’ha fatto mammeta
’o saccio meglio e te.

E pe fa sta vocca bella
e pe fa sta vocca bella
nun servette a stessa ddosa
nun servette a stessa ddosa
vuò sapè che’nce mettette
vuò sapè che’nce mettette
mo te dico tutt’e cosa
mo te dico tutt’e cosa.

Nu panaro chino chino
tutt’e fravole’e ciardino
mele zucchero e cannella
te’pastaie sta vocca bella
nun ce bisogno’a zingara
p’addivinà cuncè
comme t’ha fatto mammetta
’o saccio meglio e te.


E pe fa sti trezze d’oro
e pe fa sti trezze d’oro
mamma toia s’appazzentete
mamma toia s’appazzentete
bella mia tu quà moneta
bella mia tu quà moneta
vuò sapè che’nce servette
vuò sapè che’nce servette.

Na miniera sana sana
tutta fatta’e filigrana
’nce vulette pe sti trezze
ch’a vasà nun ce sta prezze
nun ce bisogno a zingara
p’addivinà cuncè
comme t’ha fatto mammeta
’o saccio meglio e te.