L' ULTIMO RAGGIO 'E LUNA

Di Vian Fiore - canta
Grazia Gresi

L’ultima sera... l’ultimo respiro,
e ‘na passiona eterna adda fernì...
Ma cu sta luna,
sta luna chiara,
comme può partì?!...
Dint’a stu core restano sti pparole:
Ammore mio,
nun dirme addio,
rieste cu mme… rieste cu mme!

Ritornello:
Quanno s’addorme l’ultimo raggio ‘e luna,
e Napule se sceta chianu, chiano,
chi te tratténe,
si t’alluntane ,
pe ssempe a me?...
Ma chesta luna
ca t’alluntane
nun adda vedè!...

II
…E fuie ‘na sera… fuie ‘nu raggio’e luna,
ca te facette ‘argiento ‘mbraccia a mme...
E chesta luna,
sta luna chiara,
suspiraie cu tte!
Pure stasera trémmano ‘e manduline:
ciento canzone,
tutt’ ‘e canzone
chiammeno a tte... chiammeno a tte!

Ritornello:
Quando s’addorme l’ultimo raggio ‘e luna,
e Napule ecc...

Finalino:
...L’ultimo raggio ‘e luna!...