TORNA A SURRIENTO

Luciano Pavarotti


Vide’o mare quant’è bello,
Spira tanto sentimento,
Comme tu a chi tiene mente,
Ca scetato’o faie sunnà.
Guarda, gua’, chistu ciardino:
Siente, siè, sti sciure arance:
Nu prufumo accussì fino
Dinto’o core se ne va...
E tu dice: “I’ parto, addio!”
T’alluntane da stu core...
Da sta terra de l’ammore...
Tiene’o core’e nun turnà?
Ma nun me lassà,
Nun darme stu turmiento!
Torna a Surriento,
Famme campà!


Vide’o mare de Surriento
Che tesoro tene nfunno;
Chi ha girato tutto’o munno
Nun l’ha visto comm’a ccà.
Guarda attuono sti sirene,
Ca te guardano’ncantate
E te vonno tanto bene...
Te vulessero vasà...
E tu dice: “I’ parto, addio!”
T’alluntane da stu core...
Da sta terra de l’ammore...
Tiene’o core’e nun turnà?
Ma nun me lassà,
Nun darme stu turmiento!
Torna a Surriento,
Famme campà!